[ADINSERTER AMP] [ADINSERTER AMP]

یوکرینی ٹینس اسٹار کا بیلاروس کی کھلاڑی سے ہاتھ ملانے سے انکار

ہاتھ ملانے کا یہ وقت مناسب نہیں ہے: مارتا کوسٹیوک۔ فوٹو سوشل میڈیا
 ہاتھ ملانے کا یہ وقت مناسب نہیں ہے: مارتا کوسٹیوک۔ فوٹو سوشل میڈیا

یوکرین کی ٹینس اسٹار  مارتا کوسٹیوک نے یو ایس اوپن کے میچ میں بیلا روس سے تعلق رکھنے والی حریف کھلاڑی وکٹوریہ آزارینکا سے مصافحہ کرنے سے انکار کر دیا۔

غیر ملکی میڈیا رپورٹس کے مطابق میچ کے بعد بیلا روس کی کھلاڑی سے ہاتھ ملانے سے انکار کرنے والی یوکرین کی ٹینس اسٹار  مارتا کوسٹیوک کا کہنا تھا کہ ہاتھ ملانے کا یہ وقت مناسب نہیں ہے۔

مارتا کوسٹیوک کا کہنا تھا کہ انہوں نے پہلے ہی اپنے اس عمل کے بارے میں  بیلاروس کی کھلاڑی وکٹوریہ آزارینکا کو ٹیکسٹ میسج کرکے بتا دیا تھا۔

میڈیا رپورٹس کے مطابق مارتا کوسٹیوک کا کہنا تھا کہ ان کے اس عمل کو ہر کوئی سفارتی طور  پر لے رہا ہے لیکن ان کی قوم روز قتل ہو رہی ہے۔

دوسری جانب بیلا روس کی وکٹوریہ آزارینکا کا اس حوالے سے کہنا تھا کہ ان کے لیے یہ عمل حیران کن نہیں تھا۔

یاد رہے بیلاروس یوکرین کے خلاف جنگ میں روس کا حمایتی ہے اور  یوکرین کی ٹینس اسٹار مارتا کوسٹیوک کی جانب سے  آزارینکا سے ہاتھ ملانے سے انکار کی وجہ بھی یہی قرار دی جا رہی ہے۔