جہانگیر ترین نے سیلاب متاثرین کیلئے 10 کروڑ روپے کی امداد کا اعلان کردیا

کاروباری اور مخیر حضرات آگے بڑھیں، سابق رکن اسمبلی کی اپیل۔ فوٹو:فائل

پاکستان تحریک انصاف (پی ٹی آئی) کے منحرف رہنما جہانگیر ترین نے ملک بھر میں سیلاب متاثرین کے لیے 10 کروڑ روپے کی امداد کا اعلان کردیا۔

سابق رکن قومی اسمبلی جہانگیر ترین نے کہا کہ سیلاب متاثرین کیلئے کاروباری اور مخیر حضرات آگے بڑھیں، لاکھوں پاکستانیوں کی مدد کے لیے ایک مشترکہ قومی کاوش کی ضرورت ہے۔

جہانگیر ترین کی جانب سے سیلاب متاثرین کیلئے امدادی سامان میں راشن، خیمے، ترپالیں، مچھر دانیاں، خواتین کے حفظان صحت کا سامان اور کیش امداد شامل ہے۔