حکومت پاکستان کا قرض 50 ہزار 503 ارب روپے ہو گیا

حکومت کا مقامی قرض 31 ہزار ارب روپے جبکہ بیرونی قرض 19 ہزار ارب روپے ہے: اسٹیٹ بینک/فوٹوفائل

حکومت کا مقامی قرض 31 ہزار ارب روپے جبکہ بیرونی قرض 19 ہزار ارب روپے ہے: اسٹیٹ بینک/فوٹوفائل

کراچی: پاکستان کے مرکزی بینک کے مطابق وفاقی حکومت کا قرض 50 ہزار 503 ارب روپے ہو گیا ہے۔

اسٹیٹ بینک کے جاری کردہ اعداد و شمار کے مطابق حکومت کا قرض جولائی 2021 سے جولائی 2022 کے دوران 27 فیصد بڑھا، حکومت کا مقامی قرض 31 ہزار ارب روپے ہے اور ایک سال میں حکومت کا مقامی قرض 16 فیصد بڑھا ہے۔

مرکزی بینک کے مطابق حکومت کا بیرونی قرض 19 ہزار ارب روپے ہے اور ایک سال میں ملک کا بیرونی قرض 49 فیصد بڑھا ہے۔

یاد رہے کہ پاکستان نے آئی ایم ایف سے حال ہی میں ایک ارب 17 کروڑ ڈالر کا معاہدہ کیا ہے جس کی پہلی قسط پاکستان کو موصول بھی ہو گئی ہے۔