دنیا کی قدیم ترین جینز ایک لاکھ سے زائد ڈالر میں نیلام

تصویر میں دنیا کی قدیم ترین جینز نمایاں ہے جو 1857 کے ایک بحری جہاز سے ملی ہے۔ فوٹوڈیلی میل

دنیا میں سب سے پرانی جینز کو نایاب ترین قرار دیتے ہوئے اس کی شاندار قیمت بتائی گئی ہے اور یوں اب کل 114,000 ڈالر میں اسے نیلام کیا گیا جو پاکستانی روپوں میں ڈھائی کروڑ کے لگ بھگ ہے۔

ہولا برڈ ویسٹرن امریکن کلیکشن نامی نیلام گھر کے یہ ایک کان کن کے لیے بنائی گئی جینز ہے جس کی فلائی میں پانچ بٹن لگے ہیں۔ بعض افراد نے کہا کہ یہ لیوائی جیز ہے لیکن واضح رہے کہ مشہور لوائی اسٹروس اینڈ کمپنی 1873ء میں قائم ہوئی تھی اور یوں کمپنی قائم ہونے سے پہلے ہی جینز بنانا ممکن نہ تھا کیونکہ یہ 1857ء میں ملنے والے ایک بحری جہاز کے ملبے سے ملی ہے۔

تاہم ہولا برڈ سے وابستہ تاریخ کی ماہر، ٹریسی پینک نے بتایا کہ اس لباس کا لیوائی سے کوئی تعلق نہیں اور نہ ہی یہ معلوم ہوسکا ہے کہ اسے بطورِ خاص کسی کان کن کے لیے بنایا گیا تھا۔

یہ جینز ’ایس ایس سینٹرل امریکا‘ نامی بحری جہاز سے ملی ہے جو 12 ستمبر 1857 میں ایک خوفناک سمندری طوفان کا شکار ہوگیا تھا۔ اس بحری جہاز میں کئی مسافر سان فرانسسکو سے براستہ پناما ، نیویارک جارہے تھے۔ کچھ دیر بعد یہ سمندر میں ڈوب گیا اور ایک صدی کے بعد 2195 میٹر گہرائی سے اس کا ملبہ ملا جس میں سونے کے لاتعداد سکے بھی ملے تھے۔ اس کے تمام زیورات اور سونے 1998ء سے ہی نیلام ہوگئے اور اب بقیہ نوادرات بیچے جارہے ہیں۔